بونويل والمنطق الغائب- شبح الحرية

فكرة فيلم 

Phantom of liberty 

لبونويل كان قوامها الأساسي هو إظهار النقيض في كل شيئ في حياتنا وبشكل أدق ممكن نقول إنه اعتمد في سرد الأحداث على كل ما ينافي المنطق... 

الفيلم عبارة عن مجموعة من القصص كل قصة مستقلة بذاتها عن الأخرين ومختلفة تماماً في طرحها ولكن نقطة الإتفاق كانت إظهار التناقض دايماً، القصة دي كانت أكتر واحدة لفتت انتباهي وهقول السبب.. 

 في الحكاية دي خصوصاً وبرغم إن بونويل قدم حدث منافي للمنطق ومبيحصلش في الواقع إلا إنه في نفس الوقت بيتكرر يومياً في المجتمع بطريقةٍ ما... 

القصة بتتكلم عن بنت بتروح المدرسة وفجأة بيكتشفوا إنها مش موجودة.. في الكادر ده موجود معلمة البنت- والدها- أمها- ضابط الشرطة- البنت اللي المفترض إنها مختفية .. والد ووالدة البنت بيقدموا بلاغ بإختفاء بنتهم وضابط الشرطة بيكتب البلاغ وبيسأل المعلمة عن التفاصيل وكل ما البنت تتكلم وتقول إنها موجودة الكل بيطلب منها السكوت...  نقدر نقول إن كل الموجودين هم المجتمع بإستثناء البنت هي صوت المنطق المفقود والمهمش..

الطفلة بتجسد المنطق، المنطق حاضر وموجود، بيطلب من المجتمع الإستماع ليه لكن المجتمع رافض الإعتراف بوجود المنطق ومستمر في انسياقه للا شيئ، المجتمع مُغيب، مستمر في عيش الأكذوبة ومصدقها مع إنه وبكل بساطة لو استمع لصوت المنطق هيوصل للحل بسهولة بس دي أصبحت سجيته... الإنسياق..  وللأسف الشديد مجتمع اختار إغماء عينة عن الحقيقة هتكون نتيجته الهلاك... ..